1 Այսպէս է ասում Տէրը. ա Մովաբի երեք յանցանքի համար, եւ չորսի համար՝ ետ չեմ դարձնելու. Որովհետեւ նա այրեց Եդովմի թագաւորի ոսկորները կիր շինեց. 2 Բայց կրակ պիտի գցեմ Մովաբի վերայ, եւ պիտի լափէ բ Կարիօթի պալատները, եւ պիտի գ աղաղակով մեռնէ Մովաբը, աղմուկով եւ փողի ձայնով։ 3 Եւ պիտի փչացնեմ դ դատաւորը նորա միջիցը, եւ նորա բոլոր իշխաններին պիտի մեռցնեմ իրան հետ, ասում է Տէրը։
4 Այսպէս է ասում Տէրը. Յուդայի երեք յանցանքի համար, եւ չորսի համար՝ ետ չեմ դարձնելու. ե որովհետեւ նորանք անարգեցին Տիրոջ օրէնքը, եւ նորա պատուիրանքները չ’պահեցին. Այլ նորանց մոլորեցրին զ իրանց սուտերը, է որոնց ետեւից գնացել էին իրանց հայրերը. 5 ը Բայց ես կրակ պիտի գցեմ Յուդայի մէջ, եւ պիտի լափէ Երուսաղէմի պալատները։
6 Այսպէս է ասում Տէրը. Իսրայէլի երեք յանցանքի համար, եւ չորսի համար՝ ետ չեմ դարձնելու. Որովհետեւ թ նորանք արդարը ծախեցին փողով, եւ տնանկը՝ մի զոյգ կօշիկի. 7 Որոնք փափաքում են երկրի հողին ժ աղքատների գլխին, որոնք չքաւորների ճանապարհը ծռում են, եւ ի մարդն ու իր հայրը միեւնոյն աղջկան մօտ են գնում, լ որպէս զի պղծեն իմ սուրբ անունը։ 8 Եւ խ գրաւ դրուած հանդերձների վերայ են պառկում, ծ ամեն մի սեղանի կշտին. Եւ զրկուածների գինին են խմում իրանց աստուածների տանը. 9 Բայց ես բնաջինջ արի կ Ամօրհացիին նորանց առաջին, հ որի բարձրութիւնը եղեւինների բարձրութեան պէս էր, եւ որ պինդ էր կաղնիների նման. Եւ ձ ես փչացրի նորա պտուղը իր վերայից, եւ նորա արմատները՝ տակիցը։ 10 Եւ ղ ես ձեզ վեր հանեցի Եգիպտոսի երկրիցը, եւ ճ ձեզ ման ածեցի անապատումը քառասուն տարի, որ ժառանգէիք Ամօրհացիների երկիրը։ 11 Եւ ձեր որդկանցից մարգարէներ վեր կացրի եւ ձեր երիտասարդներից մ ուխտաւորներ, ապա այսպէս չէ՞, ով Իսրայէլի որդիք, ասում է Տէրը։ 12 Սակայն դուք ուխտաւորներին գինի խմեցրիք, եւ մարգարէներին պատուիրեցիք՝ յ ասելով. Մի մարգարէանաք։ 13 Ահա ես ձեզ վայր պիտի ճնշեմ, ինչպէս որ ճնշում է որաներով լիքը սայլը։ 14 Եւ ն փախչելը կ’կորչի արագընթացիցը. Եւ զօրաւորին չի քաջացնիլ նորա ոյժը եւ շ տղամարդը չի ազատիլ իր անձը։ 15 Եւ աղեղ բռնողը չի դիմանալ, եւ իր ոտներով թեթեւը չի պրծնիլ, եւ ո ձի հեծածը չի ազատիլ իր անձը։ 16 Եւ տղամարդիկների մէջ քաջասիրտը մերկ պիտի փախչի այն օրը, ասում է Տէրը։
Ամովս 2